*Spínat og fetafylltur kjúlli með sætum kartöflum*

Var aðeins að prófa mig áfram í eldhúsinu í gær og eldaði þennan líka dýrindis mat .. spínat og fetafylltur kjúlli með sætum kartöflum! :D

Fyrir 5
5 kjúklingabringur
1 poki spínat
1 1/2 krukka fetaostur
Salt
Pipar

Aðferð:
1. Hakkið spínatið í matvinnsluvél/hakkara
2. Setjið spínatið í skál og hellið fetaostinum útí, ásamt olíunni
3. Skerið inní miðjuna á kjúklingabringunum og troðið spínat/feta-maukinu inní bringurnar
4. Steikið á pönnu þar til bringurnar eru orðnar gylltar.
5. Setjið inní ofn á 200°C í 30-40 mín.

Sætar kartöflur
3 sætar kartöflur
Olía
Krydd

Aðferð:
1. skerið sætu kartöflurnar í strimla
2. setjið kartöflurnar í skál, hellið vel af olíu yfir þær
3. setjið dass af pipar, salti, mexican chili, papriku og timian útá og hrærið vel
4. hellið kartöflunum á bökunarplötu (með smjörpappír undir)
5. bakið við 200°C í 40 mín.

Ég skellti kartöflunum og kjúllanum inn á sama tíma og lét malla í 40 mín .. volá

Ennþá betra daginn eftir .. *slurp*

*Fiskibollur frá grunni með hvítlaukskartöflumús*

Gerði fiskibollur á mánudaginn .. frá grunni .. drottinn minn dýri hvað þær voru góðar!!

Fiskibollur m/hvítlaukskartöflumús a la Heilsuréttir Fjölskyldunnar

Fyrir 6
1 kg þorskur (ég notaði ýsu)
1 stór laukur
4.msk kartöflumjöl
2-3 dl mjólk, hrísmjólk eða kókosmjólk (ég notaði léttmjólk)
1 msk sjávarsalt
1 msk kókosolía, fljótandi (látið volgt vatn renna á krukkuna svo olían bráðni)
1 egg
1 1/2 tsk hvítur pipar (ég notaði svartan)
3 hvítlauksrif, kramin í hvítlaukspressu (ég saxaði það bara smátt og skellti í)
börkur af hálfri sítrónu, fínt rifinn og svolítill sítrónusafi (má sleppa - ég sleppti)
2 msk kókosolía, jómfrúarólífuolía eða íslenskt smjör til steikingar.

Aðferð:
1. Byrjið á að skera fisk og lauk í hæfilega bita til þess að þeir passi í hakkavélina
2. Hakkið svo fiskinn og lauk saman
3. Setjið í hrærivél ásamt öllu öðru hráefni og hrærið saman
4. Hitið pönnu á meðalháan hita og setjið olíu/smjör út á pönnuna
5. Formið bollur með skeið og leggið á pönnuna
6. Steikið vel þar til bollurnar eru gullinbrúnar á öllum hliðum.

Þess má til gamans geta að ég á hvorki hakkavél né hrærivél. Ég á litla græju sem mixar saman og tókst mér á endanum að nota hana til að hakka fiskinn og laukinn svo notaði ég bara sleif til að mixa restina saman. Það er klárlega miklu auðveldara að gera þetta í matvinnsluvél og hrærivél en ég bý bara ekki svo vel og þá þarf að redda sér :)

Hvítlaukskartöflumús

600 gr kartöflur, skrældar
3 hvítlauksgeirar, afhyddir
1/2 tsk sjávarsalt
100 gr íslenskt smjör

1. Skrælið kartöflurnar og setjið í pott með vatni. Bætið hvítlauk og salti og sjóðið uns kartöflurnar eru mauksoðnar
2. Hellið vatni af og stappið kartöflurnar og hvítlaukinn með smjöri.

Ég skrældi kartöflurnar eftirá og það virtist ekki skipta máli .. smakkaðist súúper vel. 

*Meatza*

Meatza (meat crust pizza)

Innihald/Botn:
500 g hreint nautahakk
1 egg
Salt & pipar
Chillikrydd (má sleppa)

Álegg:
Tómatssósa
Pizza/spaghetti krydd
1/2 laukur
1 paprika
125 g sveppir
125 g ostur

Aðferð:
1. blandið í skál nautahakkinu, egginu, salt & pipar og chillikrydd.
2. Takið blönduna og þjappið henni á bökunarpappír á bökunarplötu. Betra að hafa  botninn eins þunnan og hægt er
3. Bakið botninn í ofni, 180°C í 20-30 mín
4. látið kólna um nokkrar mín og setjið svo áleggið á.
5. bakið við 180°C í 15-20 mín.

Næst þegar ég geri þessa uppskrift þá ætla ég að setja hvítlauk og jalapenjo í hakkblönduna sjálfa þar sem að botninn var frekar bragðlaus. Einnig ætla ég að prófa að nota salsasósu í staðin fyrir tómatsósu. Annars var þetta bara þrælgott og skemmtileg tilbreyting!! :D

*Kókos-hafra-súkkulaði klattar*

Skellti í Kókos-hafra-súkkulaði klatta í tilefni konudagsins :)

Innihald:
1 dl kaldpressuð kókosolía eða ólífuolía
1/2 bolli pálmasykur/lífrænt agave-síróp/hungang/óunninn hrásykur
2 hamingjusöm egg
1 bolli gróft spelt
2 tsk vínsteinslyftiduft
1 tsk sjávarsalt
1 1/2 tsk kanill
2-3 bollar haframjöl
1 bolli kókosmjöl
1 dl lífrænar rúsínur/fínt skornar döðlur

Aðferð:
1. Hitið ofninn í 180°C
2. Setjið kókosolíukrukkuna í heitt vatnsbað til að fá hana í fljótandi form
3. Þeytið sætuna og eggin vel saman
4. Bætið kókosolíunni saman við eggjablönduna
5. Blandið saman spelti, vínsteinslyftidufti, sjávarsalti, kanil, haframjöli og kókosmjöli og hrærið saman við eggjablönduna. Endið á rúsínum/döðlum. Ef deigið er of þurrt bætið við heitu vatni en ef of blautt bætið við haframjöli.
7. Hnoðið deigið með höndunum (eða skeið) en ekki hnoða of lengi/mikið. Mótið svo litlar kökur með höndunum og raðið á bökunarpappír í ofnskúffu.
8. Bakið í 10-12 mínútur og látið kólna aðeins áður en þið færið kökurnar til.

Ég notaði kókosolíu, agavesíróp, gróft haframjöl og 70% súkkulaði (fyrir litla dekur rassgatið mitt). Mér fannst heldur mikið salt bragð af þeim og ætla ég því að nota minna eða jafnvel ekkert salt í næstu kökur. 

Ógeðslega gott með ÍSkaldri mjólk á sunnudagseftirmiðdegi :) 

MÆLING # 2

Já kæru lesendur .. ég fór í mælingu í hádeginu, það eru 4 vikur frá fyrstu mælingu hjá Telmu :)

Hér koma niðurstöðurnar

Dags.	Þyngd	Fita%	BMI	Brjóst	Mitti	Magi	Mjaðmir	Læri	Handl.
10/1	72,4	32,1	27,9	96	78	86/91	101	61	31/33
9/2	69,5	29,0	26,8	92	75	82/88	97	58	28,5/31

Já ég trúði heldur ekki mínum eigin augum .. 3 KG Á 4 VIKUM (3,5 kg frá áramótum).. 3,1% niður í fituprósentu og 21,5 cm farnir!

Þetta er ekkert annað en frábært og virkilega hvetjandi! 3 kg down, 10 kg to go .. ísí písí :D

Verðlaunin mín eru ekki af verri endanum, ég ætla að fara í smá dekur í næstu viku, lit og plokk, yfirborðshreinsun, djúphreinsun og maska .. get ekki beðið !

  

*Alt mulig súpa*

Við hötum ekki súpurnar ... Aron fór í endajaxlatöku á föstudaginn greyið og þess vegna skellti ég í eitt stykki alt mulig súpu .. notaði s.s fullt af grænmetisafgöngum úr ísskápnum og bjó til þessa dýrindis súpu.

Það er nú ekki nein sérstök uppskrift að þessari súpu heldur er þetta bara dass af þessu og hinu :)
Súpurnar mínar hafa hinsvegar alltaf þennan mexíkóska keim sem ég elska

* 1 rauðlaukur
* 4 hvítlauksrif
(steikt saman í pottinum með dass af ólífuolíu)
* 1 sæt kartafla
* 1 rauð paprika
* 4 gulrætur
*  1/2 blómkálshaus
* 6 sveppir
(steikt örstutt með lauknum)
*1 dós hakkaðir tómatar
* 1 dós tómatpúrra
* Vatn (veit ekkert hvað ég setti mikið, setti alveg helling þangað til mér fannst vera komið nóg)
* 1 grænmetiskraftur
* Pipar
* Sjávarsalt
* Mexican chili powder
* Paprikukrydd
*4 kjúllabringur skornar og steiktar á pönnu og sett útí
* Dass af heilhveiti-pasta

Afgöngunum var svo slátrað í kvöld! ... súpur klikka ekki þegar það er svona vibba veður úti og maður er búinn að vera með hroll í líkamanum frá því í morgun. Ekkert betra en að sitja uppí sófa með sæng og súpu og horfa á gott sjónvarpsefni .. það má nú stundum slappa af :)

Næsta vika verður tekin með trompi því það fer að styttast í fyrstu árangursmælinguna .. obb obb ;)

*Heimatilbúnar heilhveiti tortillur*

Skelltum í heimatilbúnar tortillur á miðvikudaginn ..

Svo ótrúlega auðvelt að hrissta þetta fram úr annarri erminni og svo milljón sinnum betra en keyptar tortillur.

5 dl heilhveiti
2 msk sesamfræ
1 tsk sjávarsalt
1/2 dl kaldpressuð ólífuolía
200 ml heitt vatn

* Sjóðið vatnið
* Blandið saman þurrefnum
* Setjið olíuna útí og svo vatnið
* Hrærið öllu saman með skeið eða sleif og hnoðið svo í höndunum en passið að hnoða ekki of mikið þá verður deigið seigt.
* Búið til pyslu úr deginu og skerið í 10-12 bita
* Fletjið hvern og einn út þunnt og passi ðað setja hveiti undir svo deigið festist ekki við borðið
* Bakið á pönnu  við tiltölulega háan hita (samt ekki of háan) í um 30 sek á hvorri hlið

Ég næ yfirleitt bara 6-8 kökum úr einni uppskrift, annaðhvort á ég ekki nógu magnað kökukefli eða að deigið mitt verður of seigt þannig að ég næ ekki að rúlla nógu vel úr því.

Fylling:
*nautahakk
*salat
*paprika
*gúrka
*tómatar
*gular baunir
*salsa
*sýrður rjómi

Klikkar ekki!! :D